top of page

МИКС АЕРОБИК ЗА ПЕНЗИОНЕРИ

БЕСПЛАТНИ ТРЕНИНЗИ

78.jpg


БЕСПЛАТЕН АЕРОБИК ЗА ПЕНЗИОНЕРИТЕ ВО ОПШТИНА АЕРОДРОМ

Локација: ООУ „Блаже Конески“ - Аеродром
Термин:

Група 1: ПЕТОК од 18.30ч до 19.00ч.

Група 2: ПЕТОК од 19.00ч до 19.30ч


Првиот тренинг ќе биде во петок, 30-ти Октомври 2026 година.

Спортска опрема за  тренинг: 
Спортска облека, чисти патики, подлога за вежбање и шишенце со вода.

Поради капацитетот на салата, бројот на вежбачи е ограничен!
Местата ќе бидат доделени според редоследот на пријавување.

Инструктор: Лазар Иванов
Професор по физичко и здравственов образование

📲 Информации и пријавување:  
078 441 235 

 

🙌 Општина Аеродром овозможува бесплатни рекреативни активности за пензионерите и за лицата во трета доба, со цел поттикнување здрави животни навики, повеќе движење и подобро расположение.
 

🏃‍♀️‍➡️🏃 Преку рекреативен Микс Аеробик, пензионерите ќе имаат можност да останат физички активни, да ја подобрат подвижноста, да се дружат и да поминуваат квалитетно време во позитивна и пријатна атмосфера.
 

🧘‍♀️🧘 Тренинзите ќе бидат со низок и умерен интензитет, приспособени кон индивидуалните можности и физичката подготвеност на учесниците, со посебен акцент на правилното изведување на вежбите и безбедноста.
 

🤝 Активностите ќе ги води професорот по физичко и здравствено образование Лазар Иванов од „Микс Аеробик“, во соработка со Здружението на пензионери „Солидарност“ од Аеродром.
 

❣️ Грижата за здравјето, активноста и благосостојбата на пензионерите е важен дел од поддршката што ја овозможува Општина Аеродром. Преку ваквите активности, пензионерите ќе добијат можност бесплатно да се рекреираат, да создаваат здрави навики и да уживаат во придобивките од движењето и дружењето. 
 

⚠️ Важна напомена: Се препорачува учесниците да се психофизички способни и да немаат лекарска забрана за практикување на овој вид физичка активност. При хронични заболувања, здравствени проблеми или физички ограничувања, се препорачува претходна консултација со лекар.
 

🍀 Општина Аеродром создава можности за активен, здрав и исполнет живот на пензионерите, со повеќе движење, дружење и радост секој ден.

viber_image_2026-11-09_03-06-31-004.jpg



РЕДОВНИ, КОМЕРЦИЈАЛНИ ТРЕНИНЗИ

Освен бесплатните имаме и редовни комерцијални тренинзи со мешани групи во однос на возраста, кои над дваесет години ги посетуваат вежбачи од различни возрасни категории, вклучувајќи и пензионери. Важна напомена за тие тренинзи е дека се со интензитет (умерен и висок) и за да се практикуваат вежбачите треба да се потполно здрави.

Комрцијални тренинзи имаме во:
ООУ „Блаже Конески“ во Аеродром
ВТОРНИК и ЧЕТВРТОК од 18ч.

ООУ „Лазо Ангеловски“ во Ново Лисиче
ВТОРНИК и ЧЕТВРТОК од 19.30ч.

Фарина“ во Кисела Вода
ПОНЕДЕЛНИК, и СРЕДА од 18ч., 19.05ч и 20.10ч.


Факултет за физичко образование, спорт и здравје, во Центар
ПОНЕДЕЛНИК, ВТОРНИК и ЧЕТВРТОК од 18.30ч.

Времетраење на тренинзите - 60 минути.


Редовна месечна членарина е 1990 денари, а за пензионери е предвиден ПОПУСТ и месечната членарина за нив изнесува 1500 денари.

Линк од видео од редовните тренинзи!

viber_image_2026-11-01_18-39-46-660.jpg

Редовната физичка активност е еден од најмоќните клучеви за одржување на виталноста, здравјето и независноста во третата доба. Иако често постои предрасуда дека вежбањето е резервирано само за младите, научните истражувања и искуството покажуваат дека телото реагира позитивно на движење без разлика на возраста.
 

Во продолжение се клучните бенефити од вежбањето во позните години:


1. Физичко здравје и виталност
Зајакнување на коските и мускулите: Со стареењето природно губиме мускулна маса (саркопенија) и коскена густина (остеопороза). Вежбите со отпор и кардио тренинзите го забавуваат овој процес, ја намалуваат опасноста од остеопороза и штитат од фрактури.

Подобрена рамнотежа и координација: Ова е една од најважните придобивки бидејќи директно ги намалува падовите и повредите (како скршеници на колкот), овозможувајќи им на постарите лица да останат независни во секојдневниот живот.

Здравје на кардиоваскуларниот систем: Умереното вежбање (како брзо одење, лесно пливање или возење стационарен велосипед) го регулира крвниот притисок, го подобрува циркулацискиот систем и го намалува ризикот од срцеви заболувања и мозочен удар.

Подобра подвижност и помалку болки во зглобовите: Активноста ги подмачкува зглобовите и ги одржува тетивите еластични, што значително ја намалува вкочанетоста и болките поврзани со артритисот.


2. Ментално и когнитивно здравје
Поостра меморија и фокус: Физичката активност го зголемува дотокот на крв и кислород до мозокот, со што се стимулира создавањето нови нервни врски. Ова го намалува ризикот од деменција и когнитивен пад.

Намалување на стресот и подобар сон: Вежбањето стимулира лачење на хормоните на среќа (ендорфин), кои помагаат во борбата против депресијата, анксиозноста и осаменоста, а истовремено носат подлабок и поредов сон.


3. Социјални придобивки
Вежбите во група (како гимнастика за сениори, јога за стари лица или организирано пешачење) се одлична можност за дружење, стекнување нови пријатели и задржување на чувството на припадност и заедница.
 

Важна забелешка: Пред почнување со било каков нов режим на вежбање во третата доба, секогаш е препорачливо да се консултирате со матичен лекар или специјалист, со цел програмата да биде целосно прилагодена на здравствената состојба и индивидуалните можности.

bottom of page